Çи-пуç мĕн çинче никĕсленмелле? Мода е стиль кирлĕрех? Çак ыйтусем çине хурав пачĕ хăй мастер-класĕнче Надежда Аюпова дизайнер. Вăл Хусанти Раççейпе Италин «Стиль» шкулĕн пĕрремĕш кăларăмĕн студентки, ун хыççăн Лондонри дизайнерсен шкулĕнче вĕреннĕ. Модельер пек ĕçлеме тытăннăранпа вуннă ытла тум пуххи хатĕрленĕ. Хăй каласа панă тăрăх, Надежда пуринчен ытла каçхи капăр кĕпесем шутласа кăларса çĕлеме юратать. Унăн чи паллă тум пуххийĕ – «Зодиак паллисем». Хальхи вăхăтра Надежда ытларах стилист пек ĕçлет. Час-часах мастер-классем ирттерет. 
Надежда Аюпова шучĕпе, гардероб классикăлла костюмсем çинче никĕсленмелле, вăл хуть хăçан та модăра. Анчах çи-пуç ытла кичем ан курăнтăр тесен классика япаласене модăри тумтирпе, аксессуарсемпе пуянлатмалла. Анчах вăхăтне кура классика улшăннине те шута илмелле. Вуншар çул каялла тăхăннă пиншакпа юбка паянхи куншăн кивĕ. Гардероба классика çинч ... Малалла вуласа пăх-ха, тархасшăн»