Çемье çавăрнăранпа 20 çул çитсен фарфор туй тăваççĕ, сĕтел çине çĕнĕ фарфор чашăксем лартаççĕ, хăнасем те çавăн йышши савăт-сапа парнелеме тăрăшаççĕ.
Мăшăрланни çулталăк кăна-и; Апла пулин те тус-тăванăрсене çитсă туя йыхравлама пултаратăр. Уявра çамрăк кил хуçи хĕрарăмĕ çитсă кĕпе тăхăнать, мăшăрсем пĕр-пĕрне пĕчĕк тутăрсем парнелеççĕ.
Пилĕк çултан йывăç туй паллă тăваççĕ. Хăнасем йывăçран хатĕрленĕ япаласем илсе пыраççĕ.
Пĕрле çичĕ çул пурăнсан пăхăр туя чĕнме юрать. Мăшăрсем пĕр-пĕрне пăхăр укçа параççĕ.
Вунă çултан – кĕл чечек туйĕ. Упăшки арăмĕ валли кĕл чечекĕсем туянать, хăнасем те хитре чечек çыххисемпе пыраççĕ.
Пĕрле 15 çул пурăнакансене кантăк туйпа саламлаççĕ.
25 – кĕмĕл, 30 – ахах, 35 çултан – пир (полотняная), 40 çул çемье ăшшине упракансем рубин туя паллă тăваççĕ.
Çур ĕмĕр пĕрле пурăнакансене ылтăн туйпа саламлама та уйрăмах кăмăллă. Мăшăрсем те пĕр-пĕрне çĕнĕ ылтăн çĕрĕ тăхăнтартаççĕ.
Бриллиант (60 çултан), тимĕр туйччен (65 çултан) пурăнакан мăшăрсем пуриншĕн те ырă тĕслĕх.
Пурнăç сукмакне 75 çул пĕрле такăрлатакансен корона (пуç кăшăлĕ) туйне темиçе ăру пухăнса савăнни – калама çук пысăк телей.
